Пасажыры адсунулі трамвай, каб выратаваць дзяўчынку (відэа)
Здарэнне адбылося ў сталіцы Ірландыі Дубліне.
Там пад трамвай трапіла школьніца. Яе нагу прыціснула да бардзюра. Не чакаючы выратавальнікаў, людзі нахілілі трамвай, каб вызваліць пацярпелую. Пасля гэтага дзяўчынка здолела выцягнуць сваю нагу, яе шпіталізавалі. Відэа здарэння з'явілася на YouTube.
Нагадаем, у пачатку жніўня падобнае здарэнне адбылося на станцыі метро "Сцірлінг" у аўстралійскім Пэрце. Пасажыры нахілілі вагон, каб выратаваць мужчыну.
