Падчас парада ў Гомелі памерла ветэран спорту
Дакладную прычыну смерці жанчыны высвятляюць.
Падчас парада ў гонар Дня Перамогі ў Гомелі памерла пенсіянерка, жанчына 1949 года нараджэння. Праверку па факце смерці праводзіць гарадскі аддзел Следчага камітэту. Для высвятлення прычын прызначылі судова-медыцынскую экспертызу.
Пенсіянерцы стала блага падчас парада, і яна пачала губляць прытомнасць. Гэта здарылася на перакрыжаванні вуліц Савецкай і Ланге. Медыкі спрабавалі рэанімаваць яе, але нічога не змаглі зрабіць.
Вядома, што жанчына была ветэранам спорту, паведамляе БелаПАН.
Фота з архіву
