Нямеччына спрабуе паскорыць асіміляцыю мігрантаў
Нямеччына мае намер паскорыць працэс асіміляцыі для мігрантаў, пасля таго як кіруючая кааліцыя зможа пераадолець разыходжанні ў гэтым пытанні.
Па словах канцлера краіны Ангелы Меркель, неабходна стварыць пяць спецыялізаваных цэнтраў часовага знаходжання для тых мігрантаў, шансы якіх застацца ў Нямеччыне невялікія. Але такая палітыка “адчыненых дзвярэй” выклікае крытыку.
Хрысціянскія дэмакраты, якіх ачольвае Меркель, і сацыял-дэмакраты не могуць прыйсці да адзінага рашэння па гэтым пытанні.
Тым часам да канца гэтага года ў краіну можа прыбыць яшчэ 800 тысяч чалавек.
Раней у Еўракамісіі заявілі, што да канца 2017 года агульная колькасць мігрантаў, якія прыбываюць у Еўропу, дасягне трох мільёнаў чалавек, перадае ВВС.
Фота: Твітэр
