Новы кліп Брытні Спірс будзе мульцяшны

У сваім новым кліпе на песню «Break The Ice» Брытні Спірс з'явіцца ў выглядзе стройнай і спакуслівай супергераіні-шпіёнкі.  З-за таго, што зараз поп-зорка знаходзіцца не ў лепшай фізічнай форме, яна вырашыла зрабіць ролік анімацыйным. бо мастакі намалююць яго хутчэй, чым сама яна скіне вагу.

Мульцяшная Брытні з'явіцца ў кадры ў дзвюх выявах: захапляльнай бландынкі - гэткага Джэймса Бонда ў спадніцы - і сэксуальнай сцюардэсы, вобраз якой спявачка выкарыстоўвала ў кліпе «Toxic».

Тэрміны выхаду «Break The Ice», які стане другім сінглам з новага альбома Спірс «Blackout», пакуль не паведамляюцца.

Зараз Брытні Спірс актыўна працуе над сабой, каб як мага хутчэй вярнуцца ў былы стан і ў хуткім часе самой паўстаць перад камерамі.

Паведамляецца, што наступным сінглам з альбома стане ролік на песню «Hot As Ice», дзеля здымак якога Спірс інтэнсіўна займаецца ў танцавальным класе.

Фота: mirclipov.com