Ноэль Галахер распачынае сольную кар'еру
Упершыню з часу распаду гурта Oasis яго былы лідэр Ноэль Галахер публічна прызнаўся ў жаданні працаваць сольна. Паводле словаў музыкі, ён будзе працягваць запісваць і выдаваць новую музыку, не азіраючыся на “Oasis, Ліама альбо каго-небудзь яшчэ”.
“Я збіраюся займацца ўласнымі рэчамі, выдаваць уласную музыку, — заявіў Ноэль выданню Daily Mail. — Я рад, што людзі хочуць гэта чуць, мяне пастаянна пытаюць пра новыя працы. І я не думаю ні пра што іншае. У маіх бліжэйшых планах не прысутнічаюць ні Oasis, ні Ліам. Я нарэшце буду рабіць тое, што хачу і жыць у сваё задавальненне”.
Раней нешта падобнае наконт канчатковага развітання з Oasis заявіў і Галахер-малодшы: “Oasis больш няма. Думаю, мы гэта разумеем. Зараз я разважаю над сваім наступным крокам у музыцы”.
Нагадаем, што 28-га жніўня перад выступам Oasis на французскім фэсце Rock en Seine адбылася спрэчка паміж братамі Галахерамі, пасля чаго Ноэль Галахер заявіў пра свой сыход з гурта, абвінаваціў пры гэтым свайго брата ў непрафесіяналізме, а астатніх удзельнікаў — ў неадэкватных адносінах да свайго лідэра.
Фота: www.timus.ru
“Я збіраюся займацца ўласнымі рэчамі, выдаваць уласную музыку, — заявіў Ноэль выданню Daily Mail. — Я рад, што людзі хочуць гэта чуць, мяне пастаянна пытаюць пра новыя працы. І я не думаю ні пра што іншае. У маіх бліжэйшых планах не прысутнічаюць ні Oasis, ні Ліам. Я нарэшце буду рабіць тое, што хачу і жыць у сваё задавальненне”.
Раней нешта падобнае наконт канчатковага развітання з Oasis заявіў і Галахер-малодшы: “Oasis больш няма. Думаю, мы гэта разумеем. Зараз я разважаю над сваім наступным крокам у музыцы”.
Нагадаем, што 28-га жніўня перад выступам Oasis на французскім фэсце Rock en Seine адбылася спрэчка паміж братамі Галахерамі, пасля чаго Ноэль Галахер заявіў пра свой сыход з гурта, абвінаваціў пры гэтым свайго брата ў непрафесіяналізме, а астатніх удзельнікаў — ў неадэкватных адносінах да свайго лідэра.
Фота: www.timus.ru