На звалцы пад Гродна здарыўся пажар
На звалцы пад Гродна здарыўся пажар. Гэта адбылося ўдзень 2 чэрвеня на палігоне цвёрдых камунальных адходаў каля вёскі Забагонікі Гродзенскага раёна.
Як паведамляе прэс-служба Гродзенскага абласнога ўпраўлення МНС, агонь захапіў плошчу ў 80 квадратных метраў (агульная плошча звалкі — 2,7 га). Пацярпелых у выніку здарэння няма.
Мяркуецца, што прычынай узгарання стала неасцярожнае абыходжанне з агнём. Вінаватага ў здарэнні шукаюць.
