Лукашэнка: Ухіленне ад падаткаў – гэта здрада Радзіме
Аб гэтым кіраўнік краіны сёння расказаў на ўрачыстым сходзе, прысвечаным 70-й гадавіне вызвалення краіны ад нямецка-фашысцкіх захопнікаў.
“Яшчэ старажытныя рымляне лічылі: грамадзянін - гэта перш за ўсё той, хто плаціць падаткі. Той, хто ўтрымлівае дзяржаву. Той, хто частку сваёй працы добраахвотна аддае на агульную справу”, -- цытуе кіраўніка краіны агенцтва БелТА.
Аляксандр Лукашэнка адзначыў, што выплата падаткаў - гэта абавязак, які многія лічаць павіннасцю, ад якога хочацца любымі спосабамі пазбавіцца. На думку кіраўніка дзяржавы, у нейкім сэнсе гэта здрада ў адносінах да тых, хто шмат гадоў таму не шкадаваў для Радзімы жыцця, якое ў сто разоў больш каштоўнае за любыя грошы.
