Італьянскія навукоўцы раскапалі магілу "Моны Лізы"
Яны збіраюцца высветліць, ці насамрэч тут знаходзяцца парэшткі Лізы Герардзіні, якая пазіравала Леанарда да Вінчы для карціны "Мона Ліза".
Навукоўцы выявілі магілу ў склепе сям'і фларэнтыйскага гандляра шоўкам Франчэска дэль Джаконды, чыя жонка, як лічыцца, адлюстраваная на знакамітым палатне да Вінчы, інфармуе ВВС.
Даследчыкі маюць намер параўнаць ДНК парэшткаў, пахаваных у склепе, і астанкаў, якія былі знойдзены ў мінулым годзе ў манастыры Святой Урсулы, дзе Ліза Герарзіні правяла апошнія гады жыцця, прыняўшы манаскі пострыг.