"Хартыя-97" адкрывае офіс у Варшаве
14 верасня пройдзе прэзентацыя новага офісу сайту "Хартыя-97" у Варшаве.
У імпрэзе возьмуць удзел кіраўнікі МЗС Польшчы, прадстаўнікі міжнародных фондаў, замежныя грамадскія і палітычныя дзеячы, дыпламаты, перадае Радыё "Свабода".
Нагадаем, што пасля разгрому офісу "Хартыі" ў Мінску ў ноч пасля прэзідэнцкіх выбараў 2010 года і арышту рэдактаркі Наталлі Радзінай адноўлены рэсурс пачаў працаваць у Вільні. Радзіна кажа, што цяпер будуць працаваць два офісы — у Вільні і Варшаве.
