Хагуш перайшоў з БАТЭ ў тульскі “Арсенал”
Футбаліст з Абхазіі вяртаецца ў Расію пасля двух сезонаў у Беларусі.
Тульскі “Арсенал” падпісаў кантракт з былым абаронцам БАТЭ Анры Хагушам. Дэталі ўгоды пакуль невядомыя. У мінулым сезоне ў 28 матчах чэмпіянату Беларусі 28-гадовы гулец забіў адзін мяч.
За БАТЭ Хагуш гуляў увесь мінулы сезон. Да гэтага ён правёў адзін сезон у жодзінскім “Тарпеда-БелАЗ”.
Раней Анры Хагуш выступаў за расійскія клубы “Рубін”, “Кубань”, “Растоў”, “Спартак”, “Нальчык” і “Нафтахімік”, нагадвае Прессбол.
Фота: offside.by