Гвінет Пэлтроў заспявае ў мюзікле
Актрыса Гвінет Пэлтроў (Gwyneth Paltrow) атрымала прапанову сыграць галоўную ролю ў экранізацыі хітовага брадвейскага мюзіклу "Рок стагоддзяў" ("Rock of Ages").
Аднойчы Пэлтроў вельмі паспяхова выступіла ў ролі выканаўцы кантры ў
фільме "Country Strong" ("Каханне мне не здрадзіць" у рускамоўным
пракаце), пасля чаго задумалася пра сольную музычную кар'еру.
Пакуль жа гаворка ідзе пра чарговую, хоць і музычную кінаролю.
Магчымымі партнёрамі Пэлтроў на пляцоўцы стануць Том Круз і Алек
Болдуін, але гэта яшчэ афіцыйна не пацверджана. Затое вядома, што
рэжысёрам будзе Адам Шэнкман, які ўжо экранізаваў у 2007 годзе мюзікл
"Лак для валасоў" ("Hairspray"), прычым вельмі паспяхова.
Пачатак здымак запланаваны на першыя месяцы 2011 года.
Фота: www.metro.co.uk