Горад Шчасце пад Луганскам абстрэльваюць з мінамётаў (відэа)
У прыватнасці, з тэрыторыі пасёлка Вясёлая Гара, які знаходзіцца пад кантролем баевікоў, была абстраляная лякарня ў Шчасці.
Гэты пасёлак знаходзіцца пад кантролем так званай "Луганскай народнай рэспублікі". Як паведамляе УНІАН, снарады трапілі ў актавую залу лякарні.
Афіцыйны сайт старшыні Луганскай абласной дзяржадміністрацыі Генадзя Маскаля інфармуе, што неідэнтыфікаваныя тэрарысты абстрэльваюць не толькі горад, але і гуманітарны калідор, па якім мірныя грамадзяне пераходзяць з ЛНР на тэрыторыю, кантраляваную ўкраінскімі ўладамі. Па словах Маскаля, на ўкраінскім баку ўжо 13 параненых, таксама ёсць загінулыя.
Фота — Reuters