Фіны... ўзарвалі браму беларуса Віталя Коваля (відэа)

Фінскія тэлевізіёншчыкі... ўзарвалі хакейную браму беларуса Віталя Коваля. Такі "арыгінальны" відэаролік з'явіўся перад матчам групавога этапу чэмпіянату свету паміж зборнымі Фінляндыі і Канады (яго фіны выйгралі з лікам 4:0). Фіны выкарысталі эпізод матчу паміж зборнымі Беларусі і Фінляндыі. У нейкі момант брама беларускай зборнай... узрываецца разам з брамнікам Ковалем. На яе месцы застаецца ахопленая агнём варонка.

Паўфінальныя матчы чэмпіянату свету па хакеі пройдуць 21 траўня ў Маскве. Зборная ЗША згуляе з Канадай, а Фінляндыя — з Расіяй.

Як вядома, беларуская зборная выступіла на сусветным чэмпіянаце правальна і заняла толькі 12-е агульнае месца. У мінскім аэрапорце яе сустракала толькі некалькі заўзятараў.