Еўракамісія дасць Беларусі 11,5 мільёна еўра
Еўракамісія ўхваліла дзве праграмы па Беларусі.
Першая праграма, агульным коштам 8 мільёнаў еўра,будзе накіраваная на папярэджанне распаўсюджвання інфекцыйных захворванняў і падтрымку рэфармавання сістэмы аховы здароўя.
3,5 мільёна еўра другой праграмы пойдуць на ажыццяўленне рэгіянальных праграм у Гродзенскай і Мінскай абласцях. Гэтыя праграмы павінны спрыяць стварэнню стратэгій рэгіянальнага развіцця і падтрымцы лакальных камунальных праектаў, інфармуе УНІАН.
