Дзень касманаўтыкі ад Euthanasia — сціплая паці на чатыры танцполы
Нядзельная вечарына атрымалася надзвычай маштабная, насычаная і…бязлюдная.
Каб правесці бязглуздую, танцавальную ноч, мелася чатыры танцполы: драм-энд-бэйс, псіхадэлічны транс, электра і чылаўт.
На пачатку не хапала толькі лёгкага масавага псіхозу, калі сотні чалавек адначасова аддаюцца музыцы. І такі адрыў уласцівы мерапрыемствам промагрупы Euthanasia (Эўтаназія). Менавіта яго ўсе і чакалі.
А пакуль можна прыглядзецца. У тым ліку, да дызайну. У адрозненні ад штотыднёвых мінскіх тусовак, рэйвы Euthanasia маюць атмасфернасць. Танцпол драм-энд-бэйс, напрыклад, быў ахутаны дымам і насычаны лазерамі. Здзівіла і адсутнасць “левых” людзей, якімі звычайна насычаны гарадскія паці.
Калі ісці на гукі транса, то пачынаеш адчуваць дзіўныя пахі. Клей? Не, гэта пах свежых фарбаў – вынік дзённай працы дызайнераў. Дэкор радуе. Паўсюдна псіхадэлічныя грыбы (не сапраўдныя!) і флюарысцэнтны пыл, якім можна лёгка сябе размаляваць.
Таксама Euthanasia не забываецца на свае карані. Танцпол электра на гэты раз быў упрыгожаны надпісамі “СССР”. Касмічную талерку менавіта з гэтымі літарамі можна было бачыць з кропкі Х. Менавіта так Еўрарадыё абазначыла месца ў чылаўце, дзе злівалася музыка адразу з трох танцполаў і адчуваліся басы чацвёртага.
Дарэчы, адпачывалі людзі не толькі ў чылаўце. Паснуўшыя тусоўшчыкі распаўзліся па ўсіх танцполах. Мабыць таму, што ўжо пераваліла за 02:00, а лёгкі масавы псіхоз так і не пачаўся.
Як і раней, танчылі толькі 4,5 чалавекі. Як і раней, басы транса адбіваліся ад сцен і, нескарыстаныя, вярталіся назад дыджэю. На "драм-энд-бэйс" людзей было больш. Але гэта не перашкодзіла "Дню касманаўтыкі" ператварыцца ў сяброўскую тусоўку на чатыры танцполы.
Але хіба гэта дрэнна? Часта промагрупу Euthanasia папракаюць сумнеўным кантынгентам на мерапрыемствах. Мабыць, у суботу была дасягнута мэта: добрая музыка, зручныя і прыемныя танцполы і ніякай "пацанвы".
Каб правесці бязглуздую, танцавальную ноч, мелася чатыры танцполы: драм-энд-бэйс, псіхадэлічны транс, электра і чылаўт.
На пачатку не хапала толькі лёгкага масавага псіхозу, калі сотні чалавек адначасова аддаюцца музыцы. І такі адрыў уласцівы мерапрыемствам промагрупы Euthanasia (Эўтаназія). Менавіта яго ўсе і чакалі.
А пакуль можна прыглядзецца. У тым ліку, да дызайну. У адрозненні ад штотыднёвых мінскіх тусовак, рэйвы Euthanasia маюць атмасфернасць. Танцпол драм-энд-бэйс, напрыклад, быў ахутаны дымам і насычаны лазерамі. Здзівіла і адсутнасць “левых” людзей, якімі звычайна насычаны гарадскія паці.
Калі ісці на гукі транса, то пачынаеш адчуваць дзіўныя пахі. Клей? Не, гэта пах свежых фарбаў – вынік дзённай працы дызайнераў. Дэкор радуе. Паўсюдна псіхадэлічныя грыбы (не сапраўдныя!) і флюарысцэнтны пыл, якім можна лёгка сябе размаляваць.
Таксама Euthanasia не забываецца на свае карані. Танцпол электра на гэты раз быў упрыгожаны надпісамі “СССР”. Касмічную талерку менавіта з гэтымі літарамі можна было бачыць з кропкі Х. Менавіта так Еўрарадыё абазначыла месца ў чылаўце, дзе злівалася музыка адразу з трох танцполаў і адчуваліся басы чацвёртага.
Дарэчы, адпачывалі людзі не толькі ў чылаўце. Паснуўшыя тусоўшчыкі распаўзліся па ўсіх танцполах. Мабыць таму, што ўжо пераваліла за 02:00, а лёгкі масавы псіхоз так і не пачаўся.
Як і раней, танчылі толькі 4,5 чалавекі. Як і раней, басы транса адбіваліся ад сцен і, нескарыстаныя, вярталіся назад дыджэю. На "драм-энд-бэйс" людзей было больш. Але гэта не перашкодзіла "Дню касманаўтыкі" ператварыцца ў сяброўскую тусоўку на чатыры танцполы.
Але хіба гэта дрэнна? Часта промагрупу Euthanasia папракаюць сумнеўным кантынгентам на мерапрыемствах. Мабыць, у суботу была дасягнута мэта: добрая музыка, зручныя і прыемныя танцполы і ніякай "пацанвы".
Фота: Таранціна