Дырэктар будаваў сабе дом за кошт прадпрыемства
Генпракуратура распачала крымінальную справу ў адносінах ужо былога дырэктара філіяла "Мінскія электрычныя сеткі" прадпрыемства "Мінскэнерга".
Як паведамляе БЕЛТА, кіраўнік прадпрыемства незаконна выкарыстоўваў працу сваіх падначаленых, а таксама службовы аўтатранспарт на будаўніцтве катэджа. Пры гэтым складаліся непраўдзівыя дакументы, што рабочыя знаходзіліся на працоўных месцах. У выніку прадпрыемству былі нанесеныя страты ў асабліва буйным памеры, яе сума не называецца.
Крымінальную справу перадалі для расследавання ў Следчы камітэт.
Фота — Fotolia