"Дынама-Брэст" пакідаюць адразу 9 футбалістаў
Кадравыя змены ў камандзе адбыліся ў пачатку снежня.
Як паведамляе афіцыйны сайт "Дынама-Брэст", змены ў складзе былі зацверджаны кіраўніцтвамбрэсцкага клубу. У сувязі з заканчэннем тэрміну дзеяння кантракту каманду пакідаюць футбалісты: Ігар Бурко, Аляксей Ганчароў, Юрый Дручык, Юрый Кендыш, Верон Огар і Аляксандр Талканіца. Таксама па ўзаемнай згодзе скасаваны кантракты з яшчэ трыма гульцамі: Уча Гагаладзэ, Філіпам Івановым і Мінорам Сато.
Дасягнута дамоўленасць падоўжыць кантрактныя абавязанні толькі траім футбалістам. Гэта Валерый Каршакевіч, Любен Нікалаў і Аляксандр Перапечка.
Зараз "Дынама-Брэст" займае восьмае выніковае месца ў чэмпіянаце Рэспублікі Беларусі.