Дванаццаць беларускіх школ сталі "інавацыйнымі"
Сёлета пашырыўся праект “Адзін вучань — адзін камп'ютар”, які дзейнічае ўжо трэці год.
Пра гэта Еўрарадыё распавёў намеснік дырэктара Парку высокіх тэхналогій Аляксандр Марцінкевіч.
Марцінкевіч: “Сёння дванаццаць устаноў адукацыі сталі інавацыйнай пляцоўкай, і яны пашыраюць тое, што пачалося два гады таму. Сёння гэты праект рэалізуецца ў Наваполацку, Оршы, Смаргоні, Мінску, Воранаве, Васілішках, Ваўкавыску”.
Праект “Адзін вучань — адзін камп'ютар” быў запушчаны ў 2011 годзе сумесна Міністэрствам адукацыі і Паркам высокіх тэхналогій. Напачатку ў праекце ўдзельнічалі сем школ. У адным ці некалькіх класах у кожнай школе вучні карысталіся на уроках нэтбукамі.
Фота: franuk.com
