"Чорны" альбом Metallica руліць!
Класічны “Чорны” альбом Metallica захаваў за сабой пазіцыю галоўнага бэстсэлера апошніх 20 гадоў у ЗША.
Паводле абноўленых дадзеных, прадстаўленых сэрвісам SoundScan, па стане
на канец 2010-га года сумарны тыраж гэтай пласцінкі склаў больш за 15
мільёнаў копій. За мінулы год альбом “Metallica” палепшыў свае
паказчыкі на 120 тысяч копій – але і гэтага хапіла, каб у чарговы раз
абыйсці бліжэйшых пераследнікаў.
Нагадаем, што альбом “Metallica” убачыў свет ў 1991-м годзе – тады ж
з'явілася і сістэма SoundScan, на аснове дадзеных якой, у прыватнасці,
на працягу ўсіх гэтых гадоў складаецца штотыднёвы хіт-парад Billboard.
Другое месца ў рэйтынгу бэстсэлераў “эпохі SoundScan” працягвае займаць
лонгплэй “Come On Over” Шэнаі Туэйн, а таксама “Jagged Little Pill”
Аланіс Морысет, альбом Backstreet Boys “Millennium” і саўндтрэк да
фільма “Целаахоўнік”.
Фота: www.textbase.ru