Беларусь хоча падзяліць маёмасць "саюзнай дзяржавы"?

Прадстаўнікі Расіі і Беларусі ў Парламенцкім сходзе "саюзнай дзяржавы" занепакоены рознагалоссямі наконт "саюзнай" уласнасці.
Як заявіў намеснік старшыні Парламенцкага сходу саюзу Беларусі і Расіі Сяргей Маскевіч, паводле звестак БЕЛТА, "саюзная дзяржава" мае патрэбу ў стварэнні эфектыўнай нарматыўна-прававой базы.

Па яго словах, у "саюзнай дзяржаве" неабходны адпаведны ўлік аб'ектаў, якія ствараюцца.

Як нагадвае "Ежедневник", пытанне саюзнай уласнасці парламентары "саюзнай дзяржавы" паднялі яшчэ ўвосень 2006 года. Тады ўпершыню было заяўлена аб распрацоўцы адпаведнай заканадаўчай базы. Аднак за чатыры гады гэтае пытанне так і не ўдалося ўрэгуляваць.