БАТЭ аштрафавалі на 1050 рублёў за нецэнзурныя крычалкі
Футбольны клуб БАТЭ аштрафавалі на 1050 рублёў за нецэнзурныя крычалкі заўзятараў каманды. Такое рашэнне прыняў дысцыплінарны камітэт Беларускай федэрацыі футбола. Як інфармуе "Прессбол", у федэрацыю прыйшоў ліст з Міністэрства ўнутраных спраў з інфармацыяй пра паводзіны барысаўскіх фанатаў падчас апошняга матчу чэмпіянату з "Гарадзеяй" на "Барысаў-Арэне".
Таксама быў аштрафаваны на 1050 рублёў футбольны клуб "Іслач". Каманда затрымала на 15 хвілін пачатак матчу са "Слуцкам". Такім чынам яна пратэставала супраць папярэдняга рашэння дысцыплінарнага камітэта БФФ зняць з клуба 7 ачкоў у наступным сезоне (за ўдзел гульцоў "Іслачы" ў маніпуляцыі вынікамі матчаў).
