Атмараві выпусціў “Прозу”
Новы альбом выканаўцы мусіць паказаць “прозу жыцця замест паэтычных мараў”.
Беларускі аўтар-выканаўца Атмараві выпусціў новы альбом "Проза". У яго ўвайшлі 12 трэкаў, а ўсім працэсам запісу займаўся сам музыка. Дыск могуць бясплатна спампаваць карыстальнікі, якія ўдзельнічалі ў яго фінансаванні. Астатнім даступнае онлайн-праслухоўванне, паведамляе сайт Experty.by. Праца над альбомам вялася каля чатырох гадоў, каля года з якіх пайшло непасрэдна на запіс.
Па словах аўтара, ідэя альбома — “проза жыцця ў мастацтве замест паэтычных мараў дзеля адцягнення ад надзённых праблем”.
Неўзабаве альбом з'явіцца на дысках і на iTunes.
Фота: 222.by
