Алекс Тэрнэр выдае сольнік-саўндтрэк
Пладавіты Алекс Тэрнэр - гітарыст і вакаліст альт-рокераў Arctic Monkeys і The Last Shadow Puppets, збіраецца парадаваць сваіх фэнаў яшчэ і сольнікам.
Яго выхад запланаваны на сярэдзіну сакавіка.
Насамрэч, сольнік - усяго толькі аформлены ў якасці асобнага альбома саўндтрэк да фільма “Субмарына”, - камедыйнай драмы пра 15-гадовага юнака. Фільм упершыню быў прадэманстраваны восенню 2010 года на Міжнародным кінафестывалі ў Таронта. У брытанскі пракат стужка выходзіць толькі 18 сакавіка. Песні, напісаныя Тэрнэрам, выйдуць асобнай пласцінкай на чатыры дні раней.
Arctic Monkeys таксама пішуць свой новы альбом. Працэсам кіруе Джэймс Форд - удзельнік электроннага дуэта Simian Mobile Disco. Ён жа, дарэчы, прадзюсаваў і сольны альбом Тэрнэра. Даты рэлізу пакуль не паведамляюцца.
Фота: www.sugarscape.com