Актывістаў “Альтэрнатывы” будуць судзіць 29 ліпеня
Алега Корбана, Дзмітрыя Сільчанку і Алега Кероля затрымалі 26 ліпеня ў пятніцу ў часе акцыі да Дня Незалежнасці.
Судзіць іх будуць у панядзелак у судзе Партызанскага раёна Мінска, пачатак а 10.00. Пра гэта паведаміла БелаПАН актывістка арганізацыі Вольга Бурневіч. Інфармацыю пра суд яна атрымала з Партызанскага РУУС, куды маладых людзей даставілі пасля акцыі.
Нагадаем, што актывісты “Альтэрнатывы”, а таксама трое журналістаў былі затрыманыя ля ўнівермагу “Беларусь”. Удзельнікі акцыі хацелі звесіць з моста ля ўнівермага тры бел-чырвона-белыя сцягі.
