Адкрылася вясновая сесія Палаты прадстаўнікоў
У праект парадку дня сесіі ўключана 57 пытанняў, у тым ліку 16 — законапраекты ў першым чытанні, 11 — у другім, 27 — ратыфікацыі міжнародных дагавораў.
Парадак дня будзе дапаўняцца па меры падрыхтоўкі законапраектаў у парламенцкіх камісіях. Сёння дэпутаты разгледзяць 19 пытанняў, з іх амаль палова тычыцца ратыфікацыі міжнародных пагадненняў, якія фарміруюць дагаворна-прававую базу Мытнага саюза Беларусі, Казахстана і Расіі. Таксама дэпутаты разгледзяць у першым чытанні законапраекты "Аб зваротах грамадзян і юрыдычных асоб" і "Аб аказанні псіхіятрычнай дапамогі", іншыя пытанні.
30 сакавіка на пасяджэнні Савета ніжняй палаты парламента спікер Уладзімір Андрэйчанка заявіў, што дэпутаты павінны быць гатовы да "напружанай працы", паведамляе БелаПАН.
