18:34 Палякаў чакае кар’ера ў Францыі
Прадстаўнікі
французскіх фірмаў
возьмуць удзел у Французскіх
Днях Кар'еры, якія адбудуцца 16—17 сакавіка ў Варшаве.
Падчас акцыі будуць
прадстаўленыя прапановы працы і адукацыі ў Францыі, а таксама ў французскіх фірмах, што
месцяцца ў Польшчы.
Як паведамляе французская амбасада ў Польшчы, прапановы будуць датычыць пераважна галінаў турызму, гатэльнага ды
рэстарацыйнага бізнэсу, будаўніцтва і сферы паслугаў, а таксама інфарматыкі ды электронікі.
Першыя 25 асобаў, якія знойдуць працу дзякуючы Дням Кар'еры, атрымаюць
бясплатны курс французскай
мовы, а спадарожнічаць фэсту будзе паказ французскае моды ды макіяжу і
дэгустацыя французскай
кухні.
Нагадаем,
што Францыя не адчыніла свайго рынку працы для палякаў 1 траўня 2004 году, калі Польшча
далучылася да Эўрасаюзу,
а дакляравала паступовае
адкрыццё рынку ад 1 траўня 2006-га.
