Вынікі выбараў: спіс абраных дэпутатаў Палаты прадстаўнікоў
ЦВК апублікаваў спіс абраных дэпутатаў Палаты прадстаўнікоў Нацыянальнага сходу Беларусі. У парламент трапілі толькі дзве прадстаўніцы дэмакратычных сіл — сябра Аб'яднанай грамадзянскай партыі Ганна Канапацкая і першая намесніца старшыні Таварыства беларускай мовы Алена Анісім.
Агулам прайшлі 16 прадстаўнікоў партый, але, акрамя згаданай Канапацкай з АГП, астатнія — сябры праўладных партый. Адзначым, што ў Палаце прадстаўнікоў цяпер трое чальцоў Беларускай патрыятычнай партыі, уключна з яе старшынёй, экс-кандыдатам у прэзідэнты Мікалаем Улаховічам. З Ліберальна-дэмакратычнай партыі прайшоў толькі 1 чалавек (Анатоль Хішчанка, а вось адзін з лідараў партыі Алег Гайдукевіч прайграў дыпламату Валерыю Варанецкаму), затое камуністаў там будзе 8. Таксама абраныя 3 прадстаўнікі Беларускай партыі працы і справядлівасці.
