На праваслаўны Вялікдзень амаль па ўсёй Беларусі пройдуць дажджы
Раніцай і ўдзень у нядзелю, 1 траўня, на праваслаўны Вялікдзень амаль па ўсёй Беларусі пройдуць кароткачасовыя дажджы, у асобных раёнах — навальніцы. Уначы ападкі прагназуюцца пераважна на захадзе нашай краіны.
Што да тэмпературы паветра, то ў начныя гадзіны яна складзе 3-9 градусаў са знакам плюс, у дзённыя — ад 11 да 17 градусаў цяпла (на поўдні Беларусі — да 18-20 градусаў), паведамляе БЕЛТА са спасылкай на Рэспубліканскі цэнтр па гідраметэаралогіі, кантролю радыеактыўнага забруджвання і маніторынгу навакольнага асяроддзя Мінпрыроды.
Сіноптыкі адзначаюць, што на наступным тыдні тэмпература паветра будзе паступова расці. У траўні яна будзе на 2 градусы вышэйшай за сярэдні паказчык для гэтага месяца.
