ЦВК выявіў болей за 123 тысячы несапраўдных подпісаў за Цярэшчанку

Цэнтрвыбаркам Беларусі апублікаваў папярэднія звесткі аб вызначэнні тэрытарыяльнымі камісіямі колькасці выбаршчыкаў, якія паставілі свае подпісы ў падтрымку патэнцыйных кандыдатаў на пасаду прэзідэнта.

Паводле гэтых звестак, колькасць праўдзівых подпісаў выглядае наступным чынам: у падтрымку Аляксандра Лукашэнкі — 1 753 380 (было здадзена 1 761 145), Сяргея Гайдукевіча — 139 877 (было 140 735), Мікалая Улаховіча — 149 819 (было 159 805), Таццяну Караткевіч — 105 278 (было 107 299). Адметна, што сярод 130 404 подпісаў, сабраных ініцыятыўнай групай Віктара Цярэшчанкі, ЦВК прызнаў сапраўднымі толькі 6 699. Атрымліваецца, што болей за 123 тысячы подпісаў за гэтага прэтэндэнта забракавалі. Найменш несапраўдных подпісаў знайшлі ў Гайдукевіча і Караткевіч.

ЦВК плануе зарэгістраваць кандыдатаў у прэзідэнты 10 верасня, паведамляе БЕЛТА.

Віктар Цярэшчанка трапіў у лякарню (фота)

Віктар Цярэшчанка назваў прэзідэнцкія выбары “цыркам”

ЦВК: Пытанне аб адкрыцці справы за несапраўдныя подпісы застаецца адкрытым

Фота з архіву