Яшчэ адна юная пара разбілася на матацыкле, гэтым разам у Баранавічах
У Баранавічах здарылася дарожная аварыя, у якой пацярпеў 19-гадовы матацыкліст і яго 16-гадовая пасажырка. Гэта ўжо трэцяя аварыя такога кшталту, якую рэгіструюць у Беларусі на гэтым тыдні.
Позна ўвечары 25 жніўня жыхар Гомельскай вобласці ехаў у Савецкім праспекце ў Баранавічах на матацыкле “Ява 350”. На павароце налева на скрыжаванні з вуліцай Жукава хлопец на прапусціў аўтамабіль “БМВ Х3” пад кіраваннем 35-гадовага мясцовага жыхара, які ехаў насустрач.
У выніку сутыкнення матацыкліст і яго пасажырка, жыхарка Брэста, атрымалі пашкоджанні і трапілі ў лякарню. Абодва былі ў моташлемах, перадае прэс-служба Брэсцкай абласной ДАІ.
На гэтым тыдні падобныя аварыі здарыліся ў Полацкім раёне і ў Гомелі: у першым выпадку загінула пасажырка-школьніца, а юны байкер атрымаў цяжкія траўмы, у другім выпадку загінуў 18-гадовы байкер, а яго 14-гадовая пасажырка трапіла ў рэанімацыю.
