Вольга Карач сабралася вылучацца кандыдаткай у прэзідэнты?
Школьная настаўніца з Віцебску і магістр палітычных навук мяркуе, што жанчына здолее скласці сур'ёзную канкурэнцыю Аляксандру Лукашэнку.
Інтэрв'ю з кіраўніцай Міжнароднага Цэнтра грамадзянскіх ініцыятыў "Наш дом", зарэгістраванага ў Чэхіі, апублікавала "Белорусская деловая газета".
Сама Карач не дае прамога адказу наконт сваіх прэзідэнцкіх амбіцыяў у 2015 годзе. Разам з тым, яна мяркуе, што жанчына была б складанай саперніцай для Лукашэнкі на прэзідэнцкіх выбарах. "Лукашэнка ўжо навучыўся рабіць "чорныя" PR-кампаніі супраць кандыдатаў-мужчын, і ўсе кандыдаты-мужчыны так ці іначай гуляюць на адным полі. І кожны з іх вымушаны даказваць выбарцам, што ён —"мужчына №1", — адзначае палітык.
Карач мяркуе, што на наступных прэзідэнцкіх выбарах у Беларусі будзе адзіны кандыдат ад апазіцыі. У крайнім разе, іх можа быць два — ад левых і ад правых.
Фота — videoduel.ru