У Мінску Alfa Romeo загарэлася, сама завялася і паехала з гаража (фота)
Пасля гэтага аўтамабіль сутыкнуўся яшчэ з дзвюма машынамі.
Незвычайная аўтааварыя адбылася ў Мінску 26 траўня на вуліцы Собінава. Як піша adt.by, аўтамабіль Alfa Romeo 1996 года выпуску загарэўся проста ў гаражы. Мяркуецца, што прычынай пажару стала замыканне праводкі.
Ад агню акумулятар машыны прывёў у рух электрастартэр. На машыне была ўключаная перадача, таму ахопленая агнём Alfa Romeo выехала з гаража на дарогу. Там палаючы аўтамабіль сутыкнуўся з прыпаркаванымі Porsche Cayenne і Nissan XTerra.
Аўтамабілі атрымалі розныя механічныя пашкоджанні. Але калі б сведкі не адцягнулі палаючую машыну, шкода магла б быць значна большай.
Фота — adt.by