У мінскай школе шукаюць "бомбу", эвакуявалі 580 чалавек
Здарэнне адбылося сёння каля 13-й гадзіны.
Як паведамляе прэс-служба сталічнай міліцыі, праваахоўнікам патэлефанаваў невядомы. Ён паведаміў, што ў школе № 173, якая месціцца па вуліцы Герасіменкі, знаходзіцца выбуховае прыстасаванне. Нібыта, яму гэтую інфармацыю перадалі вучні старэйшых класаў.
У школу прыехалі сапёры, яны правяраюць будынак, з якога эвакуявалі сотні дзяцей. Прылеглую тэрыторыю ачапілі міліцыянеры.
Міліцыянты знайшлі юнака, які паведаміў пра "бомбу" ў мінскай школе
Здымак з архіву. Фота — БЕЛТА