Сталі вядомыя гурты, якія выступяць на анлайн-святкаванні Дня Волі
Праграма анлайн-святкавання Дня Волі
Каманда БНР100 паведаміла, якія музыкі выступяць на сёлетнім анлайн-святкаванні Дня Волі.
Гэта J:МОРС, NAVIBAND, DLINA VOLNY, DZIECIUKI, NOCHY, VOLSKI.
Трансляцыя святкавання адбудзецца на YouTube-канале "Годна". Пачатак — 25 сакавіка а 19-й паводле мінскага часу. Ужо цяпер можна зайсці на YouTube і паставіць сабе нагадванне, каб не прапусціць.
Весці анлайн-святкаванне будуць блогерка Ліза Ветрава і шоўмэн Дзяніс Дудзінскі.
Уся асноўная інфармацыя даступная ў сацсетках праз хэштэг #БНР106 і на сайце BNR106.info.
Як распавядала Еўрарадыё, арганізатары працягваюць збор сродкаў на акцыю.
