Святлана Вінаградава: Мой муж ніякіх просьбаў не пісаў

Святлана Гарохавік-Вінаградава

Еўрарадыё: Як і адкуль вы даведаліся, што вашага мужа сёння вызваляюць?
110914 GarohavikS.mp3
Вінаградава: “Спачатку ў інтэрнэце я знайшла інфармацыю пра тое, што памілавана адзінаццаць чалавек. Адразу пасля гэтага я патэлефанавала ў калонію. Спачатку там мне сказалі, што ў іх пад рукой няма спісаў і што пра майго мужа паведаміць нічога не могуць. Праз некаторы час я ператэлефанавала, і мне паведамілі, што Вінаградава памілавалі”.

Еўрарадыё: Ці ўдалося вам з ім паразмаўляць?

Вінаградава: “Не, пакуль што я не мела такой магчымасці. Але спадзяюся хутка яго пачуць”.

Еўрарадыё: Ці напісаў ваш муж прашэнне аб памілаванні?

Вінаградава: “Наколькі я ведаю, у мінулую суботу Паўлу прапаноўвалі напісаць такое прашэнне, аднак ён адмовіўся. Я не ведаю, што было потым, але я ўпэўненая, што прашэння ён не пісаў.”

Еўрарадыё: Як вы плануеце яго сустракаць?

Вінаградава: “Шмат сяброў збіраецца яго сустракаць. Разам з імі буду я, ягоныя бацькі, родныя”.

Еўрарадыё: Вы пабраліся шлюбам з Паўлам, калі ён быў у калоніі. Ці ёсць планы неяк адзначыць гэтую падзею на волі?

Вінаградава: “Мы планавалі кудысьці паехаць, але не ведаю, як хутка гэта адбудзецца. А ўвогуле планавалі паехаць адпачыць у Італію”.

• аудио
• текст

БОЛЬШ ПА ГЭТАЙ ТЭМЕ

• Палітвязень Сяргей Каваленка аднавіў галадоўку пратэсту
• Сяргея Каваленку змясцілі ў віцебскі следчы ізалятар
• Змітра Дашкевіча ўзнагародзілі Прэміяй Свабоды YEPP
• Палітвязню ў дзень народзінаў адмовілі ў спатканні з маці
• Форум у Вільні падтрымаў кандыдатуру Бяляцкага на Нобелеўскую прэмію
• Палітвязню Мікалаю Статкевічу прыйшоў ліст з Філіпінаў
• У Празе пройдзе акцыя ў падтрымку Мікалая Статкевіча