Супрацоўнікі пінскага АМАПу збілі гараджан?
Праз газету “Пінскі веснік” мясцовы аддзел Следчага камітэту шукае сведкаў здарэння.
Да праваахоўнікаў звярнуўся жыхар Пінска с заявай аб тым, што яго і ягоную жонку збілі АМАПаўцы. Як сцвярджаюць пацярпелыя, здарэнне адбылося ўвечары 1 снежня побач з дыска-барам “Пінская шляхта”. Прычым працэс збіцця здымалі на камеры мабільных тэлефонаў невядомыя асобы ў цывільным.
Нагадаем, аддзел АМАПу ў Пінску сфармавалі сёлета незадоўга да выбараў у Палату прадстаўнікоў.