У Пінску ствараюць аддзел АМАПу, аб'яўлены конкурс
Да нядаўняга часу, пры неабходнасці, у горад прыязджалі АМАПаўцы з Брэста.
Аддзел унутраных спраў Пінскага гарвыканкама абвясціў конкурс кандыдатаў у атрад міліцыі спецыяльнага прызначэння. Перавагу ў прыёме на вакантныя пасады атрымаюць грамадзяне з добрай фізічнай падрыхтоўкай, якія маюць "падвышанае адчуванне асабістай адказнасці".
Міліцыянтам абяцаюць прыстойны заробак, а праз пяць год службы — льготны крэдыт на пабудову жылля.