Сотня ліхтарыкаў залунала ў начным небе Брэста (фота)

Каля 1000 жыхароў Брэста сабраліся ўвечары на пляжы Вяслярнага каналу. Менавіта там была прызначана сустрэча "Ноч лятаючых ліхтароў", арганізаваная праз сацыяльныя сеткі. Роўна а 22-й гадзіне больш за сотню папяровых ліхтароў узняліся ў неба па накірунку на поўнач.

"Калі шчыра, я была ўпэўненая, што прыйдзе не больш за 100 чалавек, з якіх чалавек 30 — з ліхтарыкамі. Аднак, па падліках
відавочцаў, на наш флэшмоб прыйшло каля 1000 чалавек і ў неба запусцілі прыкладна 127 ліхтарыкаў", — падзялілася сваімі ўражаннямі Аксана, адна з арганізатараў мерапрыемства.

Таксама арганізатары хваляваліся, што праваахоўныя органы не дазволяць ім правесці мерапрыемства, якое не было ўзгоднена з гарадскімі ўладамі. Але, не гледзячы на значную колькасць прысутных, супрацоўнікаў міліцыі на пляжы заўважана не было.