Пятро Пракаповіч ачоліў шэсць створаных урадам фармаванняў
Адпаведную пастанову прыняў Савет міністраў.
Паводле гэтага дакумента, намеснік прэм'ер-міністра Пятро Пракаповіч стане старшынёй Міжведамственнага савета па дзяржстатыстыцы, Камісіі па пытаннях дзяржрэгулявання цэнаўтварэння пры ўрадзе, працоўнай групы для падрыхтоўкі прапановаў аб спрашчэнні падатковай сістэмы.
Таксама віцэ-прэм'ер ачоліць яшчэ некалькі падобных структур, інфармуе БелаПАН.
Нагадаем, сёлета Аляксандр Лукашэнка заявіў, што "Пётр Пятровіч Пракаповіч накіраваны ва ўрад (прабачце за гэтае слова) як "сматрашчы" ад імя прэзідэнта... Так, ён непасрэдна кантралюе, выпрацоўвае сістэму кантролю і першым ва ўрадзе арганізуе гэтую дзейнасць...".
Фота — bymedia.net