Праваабаронцы: У беларускіх турмах застаецца дзевяць палітвязняў

На думку праваабаронцаў, зараз, пасля вызвалення часткі палітвязняў, у беларускіх турмах знаходзяцца дзевяць чалавек, якіх можна лічыць палітычнымі зняволенымі.

“Гэта пяць чалавек, якія застаюцца па справе 19-га снежня. Тры кандыдаты — Статкевіч, Ус, Саннікаў. Гэта абмежаванне волі ў Паўла Севярынца. Гэта Зміцер Бандарэнка. За кратамі палітычныя вязні Лобаў і Дашкевіч. Да справы 19-га — Бяляцкі і Аўтуховіч”, — распавяла праваабаронца Таццяна Равяка.

Праваабаронцы адзначаюць, што зараз вырашаецца пытанне аб статусе асуджаных анархістаў. Таццяна Равяка адзначае, што некаторых з анархістаў, магчыма, праваабаронцы таксама будуць лічыць палітычнымі. Cтаршыня БХК Алег Гулак таксама сказаў Еўрарадыё, што "вывучаюцца падрабязнасці справы, каб адказаць на пытанне, наколькі гэтых людзей лічыць палітзняволенымі".

Нагадаем, што ў траўні сёлета за напады на дзяржаўныя будынкі (напрыклад, за закідванне бутэлькамі з запальваючай сумессю расійскай амбасады, ізалятара на Акрэсціна) была асуджана група анархістаў. Мікалай Дзядок — на 4,5 гады пазбаўлення волі ў калоніі агульнага рэжыму, Аляксандр Францкевіч — на 3 гады пазбаўлення волі ў калоніі ўзмоцненага рэжыму, Ігар Аліневіч — на 8 гадоў пазбаўлення волі ў калоніі ўзмоцненага рэжыму. Яўген Васьковіч, Павел Сырамалотаў і Арцём Пракапенка асуджаныя на 7 гадоў пазбаўлення волі кожны за пашкоджанне будынка КДБ у Бабруйску. Максім Веткін быў асуджаны на 4 гады "хіміі", а Яўген Сілівончык — на 1,5 гады "хіміі".

• текст

БОЛЬШ ПА ГЭТАЙ ТЭМЕ

• У Беларусі нельга заключыць аднаполы шлюб, але можна памяняць пол
• Палітвязень Сяргей Каваленка аднавіў галадоўку пратэсту
• У Парыжы патрабавалі вызваліць Алеся Бяляцкага (фота)
• Сяргея Каваленку змясцілі ў віцебскі следчы ізалятар
• Змітра Дашкевіча ўзнагародзілі Прэміяй Свабоды YEPP
• У Гродне публічна абмяркуюць дачыненні з інвалідамі
• Палітвязню ў дзень народзінаў адмовілі ў спатканні з маці