Павел Левінаў абвесціў галадоўку
Учора суд Фрунзенскага раёна Мінска прысудзіў 10 сутак арышту віцебскаму праваабаронцу за абвінавачанне ў "дробным хуліганстве".
Асуджаны на 10 сутак арышту праваабаронца Павел Левінаў абвесціў галадоўку, паведамляе Belhelcom
Нагадаем, сваё абвінавачанне Левінаў катэгарычна адпрэчыў. Ён заявіў пра грубае абыходжанне ў аддзяленні міліцыі, а таксама аб фальсіфікацыі пратаколаў.
Сведкі з боку праваахоўнікаў давалі даволі блытаныя паказанні наконт "хулігана" Левінава. Аднак суддзя Вольга Комар схілілася да абвінаваўчага прысуду. Яна адмовілася разглядаць хадайніцтва аб адтэрміноўцы выканання прысуду, аб чым прасіў Левінаў з-за хваробы маці, спаслаўшыся на заканчэнне працоўнага дня.