Нігерыйскія піраты вызвалілі беларуса
Кіраўнік МЗС Эстоніі Урмас Паэт аб'явіў пра вызваленне маракоў карабля Bourbon Liberty 249, захопленага 15 кастрычніка ў нігерыйскім Порт-Харкорце.
Як паведамляе РІА "Новости", на волі апынуліся шэсць расійскіх маракоў і адзін эстонскі. Падрабязнасці вызвалення не паведамляюцца, вядома толькі, што вяліся перамовы. Няма і згадкі пра беларуса Сяргея Кургановіча. Верагодна, ён, як і падазраваў МЗС Беларусі, мае расійскае грамадзянства. Кургановіч працаваў на караблі механікам.
Пазней прэс-сакратар МЗС Беларусі Андрэй Савіных пацвердзіў, што беларус быў вызвалены.