МЗС пацвердзіў: нігерыйскія піраты захапілі беларуса
Пра гэта заявіў прэс-сакратар Міністэрства замежных справаў Андрэй Савіных.
Па яго словах, якія перадае interfax.by, захоплены закладнік — ураджэнец Беларусі. Але ў дыпламатаў няма ўпэўненасці, што ён з'яўляецца грамадзянінам нашай краіны. У яго можа быць і расійскае грамадзянства.
Нагадаем, што Сяргей Кургановіч уваходзіць у экіпаж карабля Bourbon Liberty 249, захопленага 15 кастрычніка ў нігерыйскім Порт-Харкорце.
Па словах Савіных, беларуская амбасада ў Нігерыі атрымала ўказанні усяляк спрыяць у расследаванні гэтага факту. Беларускія дыпламаты ў Нігерыі працягваюць узаемадзейнічаць з расійскімі дыпламатамі, іншымі зацікаўленымі асобамі, а таксама нігерыйскімі ўладамі.
Фота — allmir.net
