Магілёвец патрабуе, каб урад выканаў умовы Дональда Туска
Аляксей Паўлоўскі пачаў збор подпісаў пад зваротам грамадзян да прэм’ер-міністра Міхаіла Мясніковіча і кіраўніка афіцыйных прафсаюзаў Леаніда Козіка.
Паўлоўскі кажа, што для выканання ўмоваў польскага прэм’ер-міністра патрэбны мінімум выдаткаў. Для гэтага трэба выпусціць на волю ўсіх палітвязняў і правесці адкрытыя дэмакратычныя выбары. Гэта і ёсць гарантыя таго, што краіна атрымае 9 млрд еўра фінансавай дапамогі, якія абяцаў польскі прэм'ер.
Грошы дапамогуць папоўніць золата-валютныя рэзервы краіны і стабілізаваць курс рубля, адзначае Паўлоўскі.
