Лукашэнка вызваліў ад адбыцця пакарання 9 фігурантаў "справы 19 снежня"

Як інфармуе БЕЛТА, рашэнне пра памілаванне кіраўнік краіны прыняў, грунтуючыся на просьбах гэтых людзей. Гаворыцца, што яны ўсвядомілі супрацьпраўны характар сваіх дзеянняў, прызналі віну і шчыра раскаяліся.

У прэс-службе кіраўніка краіны імёны памілаваных карэспандэнту Еўрарадыё назваць не змаглі.

Нагадаем, што па "справе 19 снежня" быў асуджаны 41 чалавек. У тым ліку пяцёра кандыдатаў у прэзідэнты — Мікалай Статкевіч, Дзмітры Ус, Андрэй Саннікаў, Уладзімір Някляеў, Віталь Рымашэўскі. Першыя трое атрымалі вялікія турэмныя тэрміны, Някляеў быў асуджаны на 2 гады з адтэрміноўкай, Рымашэўскі — на 2 гады ўмоўна. 

Фота: daylife.com