Лукашэнка новаму міністру культуры: з задавальненнем прыйду на "Паўлінку"

Нагадаем, дагэтуль Святлоў быў рэктарам Беларускага дзяржаўнага ўніверсітэта культуры і мастацтваў. Былы міністр культуры Павел Латушка быў прызначаны амбасадарам Беларусі ў Францыі.

Аляксандр Лукашэнка пералічыў новаму міністру некалькі аб'ектаў, на якія варта звярнуць асаблівую ўвагу: на будаўніцтва новага будынка музея Вялікай Айчыннай вайны, на Нацыянальны гістарычны музей і на аднаўленне вытворчасці слуцкіх паясоў.

Асобнае даручэнне кіраўнік дзяржавы даў у справе больш хуткага завяршэння рэканструкцыі Нацыянальнага акадэмічнага тэатра імя Янкі Купалы. "Мне абяцаюць, што ў новым тэатры на гэтай пляцоўцы "Паўлінка" будзе ў новым прачытанні, — цытуе словы Аляксандра Лукашэнкі БЕЛТА. — Я з задавальненнем прыйду, пагляджу, і мы адкрыем гэты тэатр. Гэта будзе адзін з лепшых тэатраў Еўропы. Там па апошнім слове тэхнікі ўсё зроблена — і сцэна, і ўмовы для артыстаў".

Алег Трусаў пра новага міністра культуры: з прэтэндэнтаў ён самы лепшы

Барыс Святлоў на канцэрце Нацыянальнай музычнай прэміі, снежань 2011 года. Фота — ctv.by