КДБ не каментуе заяву “ЕБ” аб “сапраўдных прычынах” затрымання Гайдукова
“Без каментароў, наогул”, — гаворыць прэс-сакратар дзяржбяспекі Аляксандр Антановіч.
Паводле “Еўрапейскай Беларусі”, сапраўднай прычынай затрымання жыхара Наваполацка Андрэя Гайдукова стала тое, што ён перавозіў асобнікі газеты “Хартыя 97”.
Паводле афіцыйнай інфармацыі, Гайдукоў падазраецца не ў распаўсюдзе нелегальнай друкаванай пардукцыі, а ў “здрадзе дзяржаве” і быў затрыманы “ў момант закладкі тайніка з цікавымі для замежных спецслужб звесткамі”.
Затрыманне адбылося 8 лістапада. Ад таго часу Андрэй Гайдукоў знаходзіцца ў “амерыканцы”. Па справе праходзіць яшчэ адзін жыхар Віцебскай вобласці — Ілля Багданаў. Яго адпусцілі пасля допыту пад падпіску аб неразгалошванні. Родныя Гайдукова сцвярджаюць, што прадстаўнікі спецслужбаў неаднаразова папярэджвалі хлопца аб небяспечнасці сувязяў з апазіцыйнымі структурамі.
