"Караблікі Свабоды" паплылі з Брэста ў Еўропу (фота)
7 красавіка актывісты "Дзедзіча" правялі акцыю ў межах кампаніі "Без візы".
Моладзь запусціла ў раку Мухавец папяровыя караблікі — сімвалы свабоды, — да якіх былі прымацаваны сцяжкі краінаў Еўрасаюза.
Са словаў валанцёра кампаніі Алены Каховіч, "Караблікі Свабоды", накіроўваючыся ў бок Польшчы, сімвалізуюць жаданне большасці беларусаў бесперашкодна вандраваць па Еўропе.
Алена Каховіч: "Мэта кампаніі — бязвізавы праезд як беларусаў у краіны Еўропы, так і еўрапейцаў у Беларусь. Мы мяркуем, што такімі масавымі акцыямі мы прыцягнем увагу грамадскасці, і візавая праблема бліжэйшым часам пачне неяк вырашыцца".
Таксама пасля акцыі яе ўдзельнікі раздалі мінакам на набярэжнай улёткі кампаніі "Без візы".