Гродзенская міліцыя па серадах захоўвае асаблівую пільнасць
Гродзенцы ўжо трэці тыдзень як не выходзяць на маўклівыя акцыі, але мясцовыя сілавікі працягваюць дэманстраваць “баявую гатоўнасць”.
Сёння, як і кожны вечар серады, цэнтральная плошча горада Савецкая была перакрытая турнікетамі. Прайсці праз яе можна толькі праз догляд сумак і здымкі на відэа. Праўда, сёння ніякага масавага мерапрыемства ці канцэрту на пляцы не праводзілі. На падыходах да Савецкай прыкладна ад 18.00 дзяжурылі МАЗ-ы і мікрааўтобусы з маладымі людзьмі ў цывільным.
