Брэсцкая міліцыя заблакавала грамадскага актывіста ў кватэры
Як паведаміў Яўген Скрабец, 4 міліцыянты пільнуюць яго ў машыне, 2 у цывільным - ля пад'езда.
Срабцу аб нечаканых "гасцях" паведаміла яго сястра. Актывіст упэўнены, што гэта звязана з жаданнем праваахоўных органаў ізаляваць яго ад удзелу ў "маўклівай акцыі" 3 ліпеня ў Брэсце.
Не дачакаўшыся, пакуль міліцыянты і людзі ў цывільным сыдуць, спадар Скрабец пазваніў па нумары 102 і заявіў, што супраць яго рыхтуецца правакацыя. Актывісту паабяцалі, што накіруюць супрацоўніка для парверкі.
Нагадаем, што 3 брэсцкіх актывіста ўжо знаходзяцца ў Ленінскім ІЧУ: Зміцер Шурхай, Іван Стасюк і Артур Анрісімаў.
